ҚОСЫЛ
= етістік. 1. Бірігу, топтасу, ұйымдасу. 2. Араласу, салыну, қатылу. 3. Кіру, қатарға алыну. 4. Басқосу, жұмылу, үсті-үстіне келу, бірлесу. 5. Бір санатта болу, теңелу, тең түсу, бірдей болу. 6. Бірге жүру, серіктес, жолдас болу. 7. Қол астына ену, бағынышты болу. 8. Қабаттасу, қатарласу, жалғасу. 9. ауыспалы мағына. Біреуге үйлену не күйеуге шығу. 10. ауыспалы мағына. Айтқанына көну, айтқанын істеу, қолдапқостау, соңынан еру. Қосылған құн. қаржы термині. Өндіруші (кәсіпорын, фирма, т.б.) сатқан өнімнің оны өндіру үшін сатып алынған және пайдаланылған бұйымдарға (материалдарға) жұмсалған шығынды шегеріп тастағандағы құны. Қосылған құн салығы. қаржы термині. Жанама салық түрі, қосылған құнның мемлекеттік бюджетке аударылатын бөлігі, бюджеттің маңызды көздерінің бірі.