ҚАСЫҚТАЙ
сын есім. 1. Қасық сияқты, қасық тәрізді. 2. Бір қасық шамасында, азғана. 3. ауыспалы мағына. Жып-жинақы, тап-тұйнақтай, ұқыпты. Қасықтай қанын қиды. Өлтірмедi, тірi қалдырды, жанын қиды. Қасықтай қар, тобықтай тоң. Көктем келіп, күннің жылынуы, мамыра-жай күй; қара күзде алғашқы қар түсіп, тоңның қатуы, алғашқы күн суытқан шақ. Қасықтай қар, тобықтай тоң қалмады [ түсті ]. Қыс белгісінен дәнеңе қалмады деген мағынада.