КӨСЕМ
1омоним зат есім. 1. тарихи. Әр алуан саяси-әлеуметтік топтардың, ұйымдардың, ағымдардың жетекшілері, дем берушілері. 2. көнерген сөз. Тайпалық одақтарды билеушілер, ру басылары. 3. Жөнжосықты білетін, қиынқыстауда ақыл табатын кемеңгер. 4. Алдына ат салмай оза жүретін мықты ат. 5. ауыспалы мағына. Шебер, сара, мәшһүр адам. Көсем айғыр. Үйірді бастап жүретін үйірсек айғыр. Көсем ат. а) Тіркестіре жеккен аттың алдыңғысы, жол бастайтыны, түпкі аттың алдына жегілетін ат. Көсем әдебиет. бейне. Публицистика, көсемсөз туындысы. Көсем басты. Бабымен жүрді, аяғын әсем басты. Көсемге салынды. Көсем ат ретінде жегілді. Көсем қылды. а) Көсемге салды, көш бастатты. ә) Үлгі, өнеге етті. Көсем ой. Көреген, алғыр ой. Көсем салды. Көсемдеп жекті, түпкі аттың алдына тағы бір ат салды. Көсем топ. Бастауыш топ, ұйымдастырушылар. Көсем түсті. Көсемдік етті, топ бастады. Көсем тіл. Сара, шешен тіл.