ИНТРУЗИЯЛЫҚ
сын есім. геологиялық. Интрузияға қатысты, соған тән. Интрузиялық таужыныс. геологиялық. Магманың жер қыртысы қойнауларында кристалдануы нәтижесінде қалыптасқан толық кристалды магмалық таужыныс. Интрузиялық кешен. геологиялық. Бір ғана магма ошағы есебінен қалыптасқан түрлі құрамды (ультранегізді таужыныстардан бастап қышқыл таужыныстарға дейін) интрузиялық (немесе эффузиялық) таужыныстардың толық жиынтығы. Интрузиялық шоғыр. геологиялық. Көлбеу бағытта көлбей көсілген яки онша деформацияланбаған таужыныс қабаттарының аралығына сыналай еніп, жалпақ қойнауқабаттар құрайтын интрузиялық дене.