ИГІЛІК
зат есім. 1. Жақсылық, жақсы іс. 2. Шапағатты, қайырымды іс, қайырымдылық. 3. Байлық, дәулет, бақыт, ырыс. 4. Адамның белгілі бір қажеттерін қанағаттандыратын, оның мүддесіне, мақсаты мен ниетіне сәйкес келетін нәрселер; қажетті жағдай. 5. термин. Ырыздықты, рухани және мәдени байлықты білдіретін жалпы ұғым. Игілігіңе ки. тілексөз. Жақсы күндеріңде ки. Игілігін көрді. Рақатына кенелді, қызығын, пайдасын, жақсылығын көрді. Игілігін көрсетпесін. қарғыс сөз. Қызығын, пайдасын көрсетпесін деген мағынада. Игілікке жаратуы [ жұмсауы ]. Пайдасына жұмсауы, кәдеге асыруы. Игілікке жетті. Дәулетке, жақсылыққа қолы жетті, тұрмысы түзелді. Игілікке сүйгілік. Сыйсияпат, құрмет. Игілікке ұстады. Қажетіне жаратты, пайдасына тұтты, рақатын көрді. Игілікке ұсталсын. тілексөз. Қажетіне жаратсын, пайдаға ассын деген мағынада. Игіліктің [ игі істің ] ертекеші жоқ. Жақсылықтың, жақсы істің кеш болса да, болғаны жақсы, ейтеуір, түбі қайыр болса болғаны деген мағынада.