ЖІЛІНШІК
зат есім. 1. анатомиялық. Адамның табан сүйектерін құрайтын, башай сүйектері және асық жілік аралығындағы 5 қуыс сүйектен тұратын аяқ сүйектері бір тобының атауы. 2. зоологиялық. Кейбір динозаврлар мен құстардың артқы аяқтарындағы толарсақ және табан сүйектерінің бір-бірімен қосылуынан пайда болған жеке сүйек. 3. Адам аяғының тізеден төменгі жіңішке жері, сүйегі. 4. Құстың балағы. 5. Жануарлардың алдыңғы, артқы аяқ сүйектері бір тобының атауы. Жіліншігі үзілердей [ үзілді ] болды. Дамылсыз көп жүргеннен аяқтың әлсізденуі, адамның қатты шаршаған күйі. Жіліншік өтер [ кең ] өңеш. Қомағай, ашкөз, мешкей адам. Жіліншік сүйектері. а) зоологиялық. Жануарлардың алдыңғы аяғының түтікше тәрізді ұзын сүйектері, алдыңғы сирақ. ә) зоологиялық. Жануарлардың алдыңғы және артқы аяқ бастары қаңқасының ортаңғы бөліктерін құрайтын сүйек.