ЖЕМШӨП
зат есім. Мал азықтандыруға пайдаланатын өнімдер. Жемшөп араластырғыш. ауылшаруашылық. Жемшөп қоспасын араластыратын қондырғы. Жемшөп булағыш. техникалық. Мал азығын булап, жұмсартып, жұғымды азық дайындайтын мәшине. Жемшөп дақылдары. ауылшаруашылық. Ауыл шаруашылық малдарын азықтандыру үшін өсірілетін дақылдар. Жемшөп комбайны. ауылшаруашылық. Жабайы табиғи шөптерді, екпе дақылдарды (күнбағыс, жүгері) жинап, ұнтақтап, көлікке тиеуші мәшине. Жемшөп өлшемі. ауылшаруашылық. Мал азығының қоректік бағасының өлшемі. Ондай өлшем үшін 1 кг сұлының қоректілігі алынады. Жемшөп өндіру. ауылшаруашылық. Мал азығын өндіру, дайындау, өңдеу және сақтауға қатысты ұйымдастыру, шаруашылық және технологиялық шаралар жүйесі. Жемшөп таратқыш. ауылшаруашылық. Науаға салынған шөп сабағын, сусымалы, сығымдалған, құрғақ, шырынды жемшөпті тарататын мәшине.