ДИФФЕРЕНЦИАЛДЫҚ
сын есім. Дифференцияға тән, дифференцияға қатысты. Дифференциалдық геометрия. геометриялық. Геометрияның геометриялық бейнелердi дифференциалдық есептеу тәсілімен зерттейтін бөлімi. Дифференциалдық есептеу. математикалық. Математиканың туынды және дифференциалды шамаларды зерттейтін, сондай-ақ оларды функциялардың қасиеттерін зерттеуде қолданатын бөлімi. Дифференциалдық рента. экономикалық. Орташа не жақсы жер телімдерін сатып алу немесе қосымша жұмсалған капиталдық өнімділіктi арттыру нәтижесінде түсетін қосымша пайда; жер рентасының бір түрi. Дифференциалдық теңдеулер. математикалық. Ізделінетін функцияны оның әртүрлi реттi туындыларымен немесе дифференциалдарымен және тәуелсіз айнымалыларымен байланыстыратын теңдеулер.