БҰЛДЫР
сын есім. 1. Сағым тәріздi бұлыңғыр, буалдыр. 2. ауыспалы мағына. Көмескi, дүдәмал, анықайқын емес. // Еш нәрсе, ештеме, дәнеме; тұлдыр. // Жорамал, күдік. Бұлдыр болды. Сенімсіз болды, күдіктендi, сезіктендi. Бұлдыр дүние. Жалған өмір. Бұлдыр елес. Анық емес, көмескi, түсініксіз сипат, күй. Бұлдыр күй. Түсініксіз жағдай, беймәлім, тылсым күй. Бұлдыр қақты. а) Жүйткідi, заулады, зымырады. ә) Мұнарланды, алыстан көріндi. б) Шындықты жасырды, көмескi еттi. Бұлдыр ой. Күдік, сенімсіздік. Бұлдыр ойнады. поэтикалық. Бұлдырлады, бұлдыр тартты. Бұлдыр сағым. Сағым сияқты көмескi, бұлыңғыр, бұлдыраған күй. Бұлдыр тартқызды. Көмескілендірдi, күңгірттендірдi, бұлыңғырлатты. Бұлдыр тартты. а) Бұлыңғырланды, буалдыр күйге түстi. ә) Көмескілендi, ұмытыла бастады. Бұлдыр тұмандық. Түсініксіздік, шалағайлық. Бұлдыр үміт. Бұлыңғыр, айқын емес үміт, сенімсіздік.