АСПАЛЫ
сын есім. Асулы, асып қоятын, iлулi. Аспалы айшық. кен ісі. Кен қазбасының көлбеу бұрыштарын өлшейтін аспап. Аспалы бесік. этнографиялық. Аспабесік. Аспалы жол. Бағаналар арқылы тартылған, болат арқан бойымен қозғалатын жүк пен жолаушыларды тасымалдайтын көлік түріне арналған жол. Аспалы көпір. Негізгi көтергіш конструкция қызметін сым, кабель, болат қанат, топсалы шынжыр сияқты иілмелi элементтер атқаратын, өтпе бөлігi соларға асылып тұратын көпір. Аспалы өрнек. этнографиялық. Кiлем өрнегi. Аспалы өсімдік. биологиялық. Арнайы, аспалы ыдыстарда өсіруге арналған өсімдік. Аспалы траектория. әскери сөз. Көтерілу бұрышында неғұрлым алыс қашықтықтан үлкен бұрыш алатындай траектория. Аспалы шам. Төбеге, биікке iліп қойылатын шам.