ІНЖУ
зат есім. 1. Теңіз түбіндегі карбонит құрамды, меруерт бағалас қымбат асыл тас; теңіздік, тұщы сулық қос жақтаулы моллюскілер қабыршағының ішінде дамитын домалақ, сопақша, бұрыс пішінді келген минералдық түзілім. 2. Асыл, қымбат, бағалы нәрсе. // Кейбір ұлулардың денесінде дамитын шар тәрізді не бұрыс бітімді түзілім. інжу аралы. географиялық. Дүниежүзілік мұхиттың тропиктік белдеміндегі теңіздегі ұсақ организмдерінің ерекше қауымдастығы. інжуді сумоншаққа сатты. ауыспалы мағына. Пайдалы, жақсы, игі, құнды нәрсені пайдасыз, жаман, зиянды, құнсыз нәрсеге айырбастады.