ТЫРС
еліктеуіш сөз. Қатты заттың басқа қатты затпен соғылысқандағы тықырын білдіретін сөз. Тырс еткен сыбыс [ дыбыс ] жоқ. Ешбір сыбыс, хабар-ошар болмады. Тырс [ қыбыр ] еткен тірі жан [ пенде ] жоқ. Қыбыр еткен адам, ешкім жоқ. Тырс етпе. а) Үн қатпа, ләм деме; жұмған аузыңды ашпа деген мағынада. ә) Еш қам жеме, уайымдама. Тырс етпеді. Былқ етпеді, қозғалмады. Тырс етті. а) Сырт ете түсті. ә) Қылт ете қалды, шырт етті, ашуланды.