ТАНАУ
зат есім. анатомиялық. Адамның, жанжануарлардың дем алатын мұрын қуысы. Танаудан тізді. Ешкімді қалдырмай, шетінен түгендеді. Танауды жыбырлатты. Тәбетін ашты, піскен астың иісі тамаққа тәбетін ашты. Танау қақты. Ашуланды, екіленді, ызаланды. Танау маңқа. ветеринарлық. Жылқының танауынан ірің ағып, ісіп ауыратын жұқпалы ауруы. Танауы түрілді. Бәйге атының шабысын бейнелейтін сөз; аттың танауы делдиді. Танауы делдиді [ қусырылды, тарылды, қақты ]. а) Булықты, елірді. ә) Ашуланды, ызакегі бетіне шықты. Танауы желбеңдеді. Ентіге дем алды, алқынды. Танауы желбіреді. а) Танауы тынымсыз қозғалды. ә) Көңілі шалқыды, масаттанды. Танауы желп-желп етті. Ентікті, жиі-жиі дем алды. Танауы жырылған. Қиқар, қырсық, шатақ. Танауы қусырылды. Ашуланды, қанын ішіне тартты. Танауымен көк тіреді. Ешкімді менсінбеді, дандайсыды. Танауын көтерді. ісініпкебінді, дандайсыды, менсінбеді. Танауы шелектей болды. Мақтанып жеркөкке сыймады, әлдеқандай болып дандайсыды.