ӨТКЕЛ
1омоним зат есім. 1. Судан (өзеннен) кешіп, арғы бетке өтетін таяз жер. 2. әскери сөз. Әскерлердің су кедергілерінен өтуі кезінде пайдаланылатын өзеннің, көлдің бір телімі. 3. техникалық. Жол қозғалысы ағынынан жүргіншіге еркін өтуге мүмкіндік беретін жол телімі. 4. ауыспалы мағына. Ауыр жағдай, қиын іс, тар кезең; қиыншылық. Өткел бермеді. а) Өзеннен өту қиынға соқты. ә) Буырқанып, тасыды, суы көтеріліп кетті (өзен). б) Бағынбады, ырқына, дегеніне көнбеді, ойындағыдай болмады. Өткелден аттады. Өткелден өтті. Өткел тапқыш төтеден. Жоқ жерден жол тауып кететін, айлакер.