НЕГЕ
есім. Не себепті, неліктен деген мағынада қолданылатын сұрау сөз. Неге десеңіз. Себебі не десеңіз. Неге екені белгісіз. Себебі беймелім, ақиқаты жоқ, түсініксіз; айқын емес деген мағынадағы баяншының күйін білдіретін қыстырма сөзқолданыс. Неге екенін білмейді. Себебінен бейхабар, не себеп болғаны белгісіз. Неге екенін кім білсін [ түсінбеймін, білмеймін ]. а) Түсініксіз, белгісіз деген мағынадағы баяншының көңілкүйінен хабар беретін қыстырма сөзқолданыс. е) Себебі белгісіз. Неге екенін қайдам. Қалай болғаны белгісіз. Неге ғана. экспрессивті. а) Өкіну, ой екпінін түсіру мағынасында жұмсалатын сөзқолданыс. ә) Неліктен, не себептi, не үшін.