МӘЖІЛІС
[ араб тілі. ] зат есім. 1. саяси. Мемлекеттің заң шығару қызметін жүзеге асыратын ең жоғары өкілді органы, Парламенттің тұрақты негізде жұмыс істейтін Сенаттан кейінгі екі палатасының бірі. 2. Белгілі бір мәселені талқылау үшін ұжымның алқалық ұйымының, ұйым мүшелерінің бас қосатын отырысы, кеңесі. 3. Бір мәселені шешу, талқылау үшін бас қосу, бірігіп ақылдасу. 4. тарихи. Ертеректегі қазақ қоғамында хандар тұсынан құрылған елдік, елішілік мәселелерді талқылау, шешу үшін өткізілетін үлкен алқалық басқосу, жиын, мәслихат. 5. ауыспалы мағына. Жұрт көп жиналған, жайсаң мен жақсы үйірілген дүрлікпе думан, қызықты думанды отырыс, мерекелі жиын. Мәжіліс залы. Жиналыс, мәжіліс өткізілетін зал. Мәжіліс құрды. а) Бас қосып отырысты, жиналып шұрқырасты, әмпей-жәмпей болысты. ә) Басқаларды айналасына үйірді, топ бастады. Мәжіліс қылды. Тойлады, думанды жиынға қатысты. Мәжіліс тыңдады. Жиында, басқосуда сөз тыңдады, мәжіліске қатысты.