ЛАП
еліктеуіш сөз. Лезде жанған отты бейнелейтін сөз. Лап бергіш. Қызба, желөкпе. Лап берді. а) Бір нәрсеге жапа-тармағай тобымен ұмтылды, бет қойды. ә) Бірден опырылып түсті. б) Оқыстан, ойламаған жерден басталады. в) От бірден тұтанды, лезде жанды, от лап еттi, лаулады. Лап етті. а) Бірден, лезде тұтанды (от, өрт). ә) Төбеден түскендей болды, ойламаған жерден келді (жамандық). б) Санаға ой түсті, идея пайда болды. в) Қызарып, ысып кетті (беті, тұла бойы). ғ) Бірден басталды, бет қаратпады. Лап қойды. а) жапа-тармағай тұра ұмтылды. ә) Бас салды, қимыл-әрекет құлшыныспен, қарқынмен басталды. б) Бірден дендеді, жапа-тармағай жайлады. в) Баскөзге қарамай, бірден басып кірді, басып алды. Лап ұрды. Жапа тармағай ұмтылды, жүгірдi.