ҚУАЛА
= етістік. 1. Ұстап алу үшін қашқанның артынан қуу, соңынан жүгіру. 2. Малды алдыға салып жеделдете қуу, тез айдау. 3. Бір нәрсенің артынан іле-шала іздеп бару, тездетіп жедел жету; ізіне түсу, өкшелеу. 4. Бір жаққа қарай қуып жіберу, айдап тастау: үркіту, қорқыту. 5. Тұрған жерінен, тұрақты мекенінен зорлықпен қуу, күшпен айдап шығу; аластау. 6. Бір жаққа күшпен жіберу, еріксіз баруға мәжбүр ету. // Дедектетіп жұмсау. 7. ауыспалы мағына. Қызметтен қуу, жұмыстан шығару; қудалау. 8. Бірінен кейін біріне көшу, ауыспалы мағына. у; сатылап жылжу. 9. Бір нәрсенің бойын бойлау, бойымен жылжу, жағасын жағалау. 10. ауыспалы мағына. Бір нәрсенің соңына түсу, соны діттеу, іздену, түртіншектеу. 11. ауыспалы мағына. Бір нәрсеге ғана баса көңіл бөлу; басқаны елемеу, ескермеу. 12. ауыспалы мағына. Аңсау, іздеу. Қуалаған ит көрмеу. жергілікті сөз. Адам баласы басын сұқпау, ешкім кірмеу.