КІРІК
= етістік. 1. Бiрігу, тұтасып кету. 2. Ширау, тартылу, отыру. 3. Қатты боп байланысу, нығаю, бітісу. 4. лингвистикалық. Екi не үш сөзден құралған сөздердің фонетикалық өзгеріске түсу арқылы жымдасып, бірігіп кетуi. 5. ауыспалы мағына. Сiңу, кіру, жақындау. Кiріккен адаптер. информатикалық. Жеке контроллердi пайдаланбастан, процессорды нақты құрылғымен қосатын процессордың құрамды бөлігi. Кiріккен десте. информатикалық. Өзара байланысты мәселелердi шешуге (есептердi шығаруға) бей-iмделген қолданбалы бағдарламалар дестесi.