ЖИНАҚТАУ
Жинақта етістігінің қимыл атауы. 1. Топтастыру, жүйелеу. 2. Жинау, басын қосу. 3. Жазылған, жайылған нәрсені (парашют, зонт т.б.) қайта қалпына келтіріп жинау. 4. к е н. Төмен түсіретін немесе арнайы жинақтайтын қазбаларда және жерасты мен жер бетіндегі қоймаларда пайдалы қазылымдарды (бос таужыныстарды) уақытша сақтау. 5. и н ф. Пайдаланушының мақсатына сәйкес келетін дербес компьютердің нақты түзілімін қалыптастыру; көп мәшинелі және көп программалы кешендерді құрастыру. Жинақтау әдісі. информатикалық. Виртуаль мәшине мен компьютердің сәйкес нақты құрылғысы арасында аралық буынды енгізуден тұратын және бірлік жазбалар құрылғыларын модельдеу үшін виртуаль мәшинелер жүйесінде пайдаланылатын әдіс. Жинақтау сабағы. педагогикалық. Оқу пәнінің өткен бөлімі немесе тақырыбы бойынша оқушылардың білімдерін бекіту мен жүйелеу мақсатында өткізілетін сабақ.