ҚАЛТ
үстеу. Кенет, кілт, аяқ астынан. Қалт еткізбеді [ жібермеді ]. Мүлт жібермеді, мұқият қадағалады. Қалт еткізбей орындады. Берілген тапсырманы айнақатесіз іске асырды, уақытылы бітірді. Қалт етпеді [ қалт еткен жоқ ]. а) Тырп етпеді, селт етпеді; қаққан қазықтай тұра қалды. ә) Шімірікпеді, елең қылмады. б)Тапсырманы мүлтіксіз орындады. Қалт етсе [ еткен шақта, еткенде ]. Қолы сәл босай қалса. Қалт етті. Қақшиды, кілт тоқтады. Қалт [ қапы ] жібермеді. Мүлт кетпеді, болмашы мүмкіндікті пайдаланды.