БАҚСЫ
зат есім. көнерген сөз. 1. мифологиялық. Ежелгi түсінік бойынша тылсым әлеммен байланыс жасай алатын, тәуіптік, балгерлік, сәуегейлік, көріпкелдік, сиқыршылық т.б. ерекше қасиеттерi бар адам. 2. Әртүрлi тәсілдермен [ тамыр ұстау, демсалу, ойнау ] сырқат адамдарға ем-дом жасаушы, тәуіп. Бақсының жынындай. Долы, ашулы. Бақсының моласындай. экспрессивті. Күлкі болып, жеке-дара қалып, шошайып. Бақсы ойнады. а ) ем-дом жасады. ә ) опыр-топыр, у-шу, даң-дұң болды. Бақсы сарыны. Бақсылардың ем-дом жасағанда қобызға не аса таяққа дауысын қосып орындайтын мақамы. Бақсысы ұстады. Долданды, ашуланды.