ӘЛІПБИ
[ араб тілі. ] зат есім. 1. Жазуда қолданылатын әріптердің белгілi бір тәртіппен орналасқан жиынтығы. 2. лингвистикалық. Дыбыстық жазуға негізделген қандай да бір тілдің жазуындағы дыбыстарды, олардың тіркесін, белгісін таңбалайтын әріптердің жүйесi. 3. ауыспалы мағына. Бiр нәрсенің бастамасы, бет ашары. Байтұрсынұлы әліпбиi. лингвистикалық. Графикалық таңбалар саны негізгi дыбыстар (фонемалар) санынан кем түсетін араб графикасы негізінде қазақ тіліне арналып жасалған, әлемдік тіл ғылымында феномен ретінде танылған ықшам әрi жүйелi әліпби [ А. Байтұрсынов (1872–1938) – 20 ғдың басындағы қазақ зиялыларының көсемi, мемлекет қайраткерi, ақын, публицист, қазақ филологиясының (ғылымдарының) негізін салу шы ғалым, ұлттық жазудың реформаторы, ағар тушы ].