АЛҚА-ҚОТАН
1 зат есім. этнографиялық. 1. Ақсақалдар кеңесi, билер кеңесi, билер соты сияқты алқалы жиындарда көпшіліктің, яғни белгілi бір жиынның күн тәртібіне тікелей қатысы бар адамдардың қатысуымен болатын кеңестің өзіндік ұйымдасу тәртібi; жиындардың белгілi бір өзектi мәселелердi талқылау немесе пысықтау сияқты кезінде кеңейтілген түрi. 2. Қазақ ауылының қоныстану жүйесіндегi ертедегi дөңгелене қоршау құра орналасу тәртібi [ көшіп жүрген ру немесе ауыл бір жерге аялдағанда тосын жау шабуылынан сақтану үшін, көшпелi үйлердi шеңбер түрінде орналастырып, оларды айналдыра немесе арасына арба мен күймелер қойып, шеңбердің ортасына рубасының шатыры немесе киіз үйін орналастырған ]. //Үлкен, келелi, кеңестi (жиын туралы)