АЙНАЛДЫР
= етістік. 1. Бiр затты не тетіктi бір орнында бұрап қозғау. 2. Бiр заттың iшін сыртына қарату, киімнің астарын сыртына аудару, ауыстыру. 3. Бiр нәрсенi екіншi нәрсеге ауыстыру, аудару. 4. Қандай да бір мәдени игіліктi арнайы бағытта өркендету, дамыту мақсатымен гүлдендіру, жетілдіру, кемелдендіру, тұрақтандыру. 5. Айтқанына көндіру үшін әрекеттену. 6. Бiр нәрсенің соңына түсіп, соған құмарту, қызығу. 7. Дөңгеленту, үйірілту. Айналдыра бұрғылау. кен ісі. Бұрғыны үздіксіз айналдырып, оны күшпен батыру арқылы тау жыныстарын бұрғылау тәсілi. Айналдыра себу. ауылшаруашылық. Тұқым себу кезінде ала-құла жер қалмау үшін дәнұрықты егістіктi айналдыра шашу әдісi. Айналдырған ауру. Ұзаққа созылған дерт.