ҚҰТЫР
= етістік. 1. Орталық нерв жүйелерінің бұзылуынан қауіпті жүйке ауруына ұшырау. 2. ауыспалы мағына. Орынсыз желігу, еліру. 3. ауыспалы мағына. Әлінен асу, қағыну. Құтырған бурадай зіркілдеді. Қатуланды, қаһарланды, бұрқылдап ашуланды. Құтырған иттей. Жалаңдап, ентелеп. Құтырған иттің құлағын жедің бе? сөйлеу. Ерсі, сөлекет мінез көрсеткен кісіге есің дұрыс па деген мағынада айтылады. Құтырған қан. кәс. Малдың көтерілген қан қысымы, қан тасу. Құтырған қасқырдай. Жанын жеді, арпалысты. Құтырған қасқыр тигендей болды. Жын тигендей дүрлікті.