ҚАУЫРСЫН
зат есім. 1. Құстың қанаты мен құйрығының ұзын талшығы. 2. зоологиялық. Құстардың денесінің көпшілік бөлігін жауып, қауырсындануды қалыптастыруға қатысатын теріде пайда болған мүйіз текті түзіліс. 3. ауыспалы мағына. Қымбат, ардақты адам; бар жауапкершілікті, қиындықты өзі көтерген кісі. Қауырсын жебе. этнографиялық. Қауырсыннан жасалған немесе қауырсын байлаған оқ, жебе. Қауырсын қалам. Құстың қауырсынынан жасалған қалам. Қауырсын қанат. бейнелі сөзқолданыс. Түрлі түске боялған әсем көрініс. Қауырсын қапшығы. Қауырсын бөлігі. Қауырсыны қатпаған. Жетілмеген, өспеген, жас. Қауырсыны қатты. Жетілді, өсті, қатайды. Қауырсыны сөгілді. бейнелі сөзқолданыс. Жарақаттанды, қиналды.