ҚАЙТ
1омоним = етістік. 1. Шыққан орнына оралу, қайыра келу. 2. Өткір заттың өтпей қалуы, жүзінің мұқалуы. 3. ауыспалы мағына. Әуелгі пікірінен өзгеру, таю. 4. Бұрынғы қалыптан төмендеу, бәсеңдеу, кему. 5. ауыспалы мағына. Дүние салу, өлу. Қайтар жолы кесілді. Қайрылмастай болып бір-бірімен қатынасын мүлдем үзді. Қайт болмады. жергілікті сөз. Айтылған сөзді екі етпеді, айтқаны орындалды. Қайтқан [ қалған ] көңіл – шыққан жан. Қатты ренжу, біреуден көңілі қалу. Қайтқан құстай. Қайтқан құстар сияқты. Қайтқан малдың қайыры бар. Біреуге берген, кеткен нәрсенің қандай да бір себеппен өзіне қайтып келгенінде айтылатын сөз. Қайтқан судай. Ағын судың азайып, деңгейінің төмендегені сияқты. Қайтқан тырнадай. Қайтқан тырналар сияқты бірінің артынан бірі шұбалып, тізіліп. Қайт қылмады [ болмады ]. Айтқанын екі етпей орындады.