КОСМОСТЫҚ
сын есім. Космосқа тән, космосқа қатысты. Космостық биология. астрон. Ғарыштық биология (ғарыш кеңістігі және космоста ұшу жағдайында ағзалардың тіршілік ету ерекшеліктерін зерттейтін биологиялық ғылымдар кешені). Космостық медицина. Ғарыштық медицина (адам ғарышқа ұшқанда және корабльден ашық космосқа шыққанда, тіршілігіне қажетті оптималды жағдайлар жасауға және оның қауіпсіздігін қамтамасыз етуге бағытталған шараларды қамтитын ғылымдар кешені). Космостық ракета. астрон. Ғарышзымыран (жердің жасанды серігінің орбитасындағы космос кеңістігіне және басқа аспан денелеріне ұшқыш аппараттар жіберуге арналған ракета). Космостық байланыс. астрон. Ғарыштық байланыс (ғарыштық ұшқыш аппараттар арасындағы, осы аппараттар мен жердегі стансылар арасындағы байланысжәне жердегі стансалардың арасында Жердің жасанды спутнигі арқылы жасалатын байланыс). Космостық жылдамдық. астрон. Ғарыш жылдамдығы (ғарыш аппараттарының космос кеңістігіндегі қозғалысының траекториясын белгілейтін орбитаға шыққандағы жылдамдығының ең жоғарғы мәні (мөлшері). Космостық ұшқыш аппарат. астрон. Ғарышқа ұшуға арналған аппараттардың жалпы атауы (жеткізгішракеталар, космостық ракеталар, космос корабльдері, планетааралық автомат стансылар, орбиталық тұрақты стансылар, Жердің жасанды серіктері және тағы басқа.).