ТОБА
одағай. 1. Бір нәрсеге шүкіршілік ету, қанағат тұту негізінде айтылатын ишарат сөз. // Шүкіршілік, қанағат. 2. Бір нәрсеге таңдану, таңырқау кезінде айтылатын ишарат сөз. Тоба болды. қанағат етті, тәуба етті. Тобаға келді. діни. Асылық қылмады, астамшылық етпеді, шүкіршілік білдірді. Тоба қазығын көмекейіне таяды. Жанын алқымына келтірді, қинады. Тоба қылды. Шүкіршілік етті. Тобаларын жаудырды. Қайта-қайта қанағат етіп, тәубасына келді. Тобасы қабыл болды. Дегені болды, мақсаты орындалды. Тобасынан жаңылды. Дандайсыды, бетімен кетті. Тобасын келтіру. Тезге салу, сабасына түсіру.