ТАСБАҚА
зат есім. зоологиялық. Сүйек қабығы бар, қысқа аяқтарымен баяу жылжып қозғалатын жәндік. Тасбақа аяң [ жүріс ]. Шабан қимыл, баяу жүріс. Тасбақа ою. қолөнер. Халық арасында тұйық ою деп аталатын өрнек... ерте заманнан тас ескерткіштерге тасбақа бейнесін қашап түсірген ою түрі [ Бұл ою – мәңгіліктің символы. Тасбақа ұзақ жасайды. Ерте заманнан көшпелілер бейіт басындағы тас ескерткіштерге көбінесе тасбақа бейнесін қашап салған. Сонымен бірге оны батырдың, ханның киіміне, қалқанына салатын болған ]. Тасбақаның аузынан шөп алған адам. жергілікті сөз. Өте айлалы, тапқыр, епті адам туралы. Тасбақаның дауылы. Алай-дүлей қатты жел.