ӨСИЕТ
[ араб тілі. ﻭﺻﻳﺔ ] зат есім. 1. Жасы үлкен немесе парасатты, білімді, тәжірибелі адам тарапынан өзінен кейінгілерге, жасы кішілерге айтылатын ақыл, кеңес, ғибрат, үлгі, өнеге. 2. заң. < ағылшын тілі. wіll; testаment> Мүлік, құндылықтар, ақшалай салымдар иесінің өзі қайтыс болған жағдайда бұлардың кімнің иелігіне берілуге тиіс екендігі туралы қолданыстағы заңнамаға сәйкес жазылып, нотариалдық жолмен расталған жазбаша өкімі. Өсиет айтты [ қалдырды ]. Кейінгі ұрпаққа ақыл, үлгі, кеңес берді. Өсиет өлең. әдеб. Көпшілікке айтылатын уағыз, келелі кеңес түріндегі өлең.