ӨРТЕГІШ
сын есім. Өртеп жіберетін, күйдіргіш, жандырғыш. Өртегіш авиациялық бомба. әскери сөз. Өрт ошағын өршітіп адам күші мен әскери техниканы тікелей өрт арқылы құртатын, калибрі 0,5–500 кг болатын бомба түрі. Өртегіш заттар. әскери сөз. Жану кезінде көп жылу беріп, жоғары температураға дейін қызатын арнайы құрамдар (қоспалар). Өртегіш қару. әскери сөз. Қарсыластың тірі күші мен әскери техникасын жоюға, өрт шығаруға арналған ұрыс құралы. Өртегіш шөлмек. әскери сөз. ішіне жандырғыш зат құйылған шөлмек, танкіні, ұшақты, мәшинені тез өртеуге арналған қару.