НӘПСІ
[ араб тілі. ] зат есім. 1. діни. философиялық. Барша тірі табиғатқа ортақ қасиет, тіршілік негізі болып табылатын рухқа қарсы қойылатын табиғи қажеттіліктер. 2. Құлқын, тойымсыздық, құмарлық. Нәпсіге азды. Құлқынның құлы болды, жолдан тайды. Нәпсіге бойын билетті. Құлқынын тия алмады, пендешілік жасады. Нәпсіге ерді. Пендегершілік жасады, жолдан тайды, непсінің ырқымен кетті. Нәпсіге ерік бермеді. Құлқынның құлы болмады, пендешілік жасамады. Нәпсінің құлы. Құлқынның құлы, тойымсыз, қанағатсыз. Нәпсісін жеңді. Құлқынын тыйды, пайдакүнемдікке салынбады. Нәпсісін тыйды. Қанағат етті, ашқарақтыққа салынбады.