ҚЫЗЫЛША
1омоним зат есім. өсімдік. 1. Тамыр түйнегі тамаққа қолданылатын, малға азық ретінде берілетін және қант дайындауға пайдаланылатын бақша өсімдігі. 2. өсімдік. Алабота тұқымдасына жататын өсімдіктер туысы. Қызылша бізтұмсығы. зоологиялық. Бізтұмсық қоңыздар тұқымдасына жататын қоңыздар; қант қызылшасының аса қауіпті зиянкестері. Қызылша жұмыр құрты. зоологиялық. Жұмыр құрттар класына жататын паразит құрт. Қызылша қандаласы. зоологиялық. Жартылай қантты қанаттылар отрядының мирида тұқымдасына жататын жәндік, қауіпті зиянкес. Қызылша өсіру. Ауылшаруашылығының қант өнеркәсібіне, мал азығына қажетті және асханалық қызылша өсіретін саласы.