ҚАБІР
[ араб тілі. ] зат есім. 1. Өлген адамды жерлеу үшін қазылған жер, көр. 2. Зират, мола, өлген адамның басына қойылған тас. 3. ауыспалы мағына. Өлім. 4. Қабірхана. Қабірден әрi өттi. Жантәсілім еттi, о дүниелік болды. Қабірдің басы. Өлген адамның жерленген орны, зират, мола. Қабір құшты. а) Өлдi, дүние салды. ә) Моласын құшақтап, зар жылады, жоқтады. Қабірі нұрға толсын! діни. Қайтыс болған адамның көрі жарық, ақырзаманға дейін көр азабы жоқ болсын деген мағынадағы тілек сөз.