МОЛА
зат есім. Өлген адамның сүйегі жерленген жерге тұрғызылған жай, бейіт. Мола болып қалды. Қайтыс болды, өлді. Мола бүркіт. саятшылық. Қартайған бүркіт [ Бүркіт қартайғанда әлі кетіп моладай мүжіледі, әрі аяздан ызып моланы мекендегіш келеді ]. Молаға дұға қылды. діни. Аруақтарға бағыштап Құран оқыды, бейіт басына келіп марқұмды еске алып жүрді. Молаға түнету. мифологиялық. Қасиетті аруақтардан, әулиеәнбиелерден тілегін жеткізуге медет болуды сұрап, олардың моласына барып түнімен тілек қылып таңды атыру көне ырымы. Моламды іздемеңдер. Өлгенде де еске алмаңдар деген мағынадағы қатты көңілі қалған кісінің біржола арақатынасын үзгенін зілмен айтқанда қолданылатын сөзі. Моланы жаңғыртты. Ескі моланы қайталап қалап, сыртын жөндеді.