СФЕРАЛЫҚ
сын есім. Сфераға тән, сфераға қатысты. Сфералық астрономия. астрономиялық. Астрономияның аспан сферасындағы шырақтардың көрінерлік қозғалысы мен орналасуын зерттеуге байланысты есептерді шешудің математикалық тәсілдерін қарастыратын бөлімі. Сфералық бет. математикалық. Кеңістікте берілген нүктеден (центрден) қашықтықтары бірдей нүктелердің геометриялық орны. Сфералық геометрия. Математиканың сфера бетіндегі геометриялық фигураларды зерттейтін саласы. Сфералық тригонометрия. геометриялық. Математиканың сфералық үшбұрыштардың бұрыштары мен қабырғалары арасындағы тәуелділікті зерттейтін саласы.