ЕТЕК-ЖЕҢ
зат есім. 1. Киімнің етегі мен жеңі. 2. Киген киімі, үсті-басы. Етекжеңді жаздырмайтын суық, өңменнен өтетін қатты суық, бой жылытпайтын қара суық. Етекжеңі жинақы. Жинақы, ұқыпты. Етекжеңі жинаусыз. Қалпын, күйін өзгертетін түрі жоқ, әзірлік жоқ. Етекжеңі кең. а) Кеңпейіл, ақпейіл, жомарт, қолы ашық, дүниенің бетіне қарамайтын. ә) Өрісі кең, баршылық. Етекжеңін жиды. а) Есін жиды. е) Шаруашылығы, тұрмысы түзеліп ықшамдалды, өзіне-өзі келді, тертіпке түсті, жақсарды. б) Жинақы болып, сақтық жасады. в) Шашыраңқы болмай топтасты, жанжақтағылар жиналды. Етекжеңін жимады. Ештеңеден сескенбеді, елең құрлы көрмеді, именбеді. Етекжеңін кең ұстады. Жайбасарлыққа салынды, етекжеңін жимады. Етекжеңін сыбанды. Жинақталды, тастүйін болып дайындалды. Етекжеңі шолақ. Қолы қысқа.