КІРПІ
зат есім. 1. Терісін тікенек тәріздi инелер басқан кішігірім жәндік. 2. зоологиялық. Сүтқоректілер класы жәндік қоректілер отрядының бір тұқымдасы. Кiрпi көрдi. Шошыды, жирендi. Кiрпi қабақ. Түксиген, ашулы кейіп, түр. Кiрпi шаш. а) Инедей қадалып тік тұратын, қайратты шаш. ә) Қайратты, қалың шашты машинкамен тұқыл етіп қиып, тікірейтіп «кірпi» етіп қою тәсілi, сәнi. Кiрпi шыбындар. зоологиялық. Қосқанаттылар отрядына жататын қысқа мұртты шыбындар тұқымдасы.