Толковый словарь казахского языка: ҚЫРАН

Слово: Казахский язык Русский язык Английский язык Найти

|ҚЫРАН 1#омоним #зат есім. #зоологиялық. <лат. аquіla> 1. Жыртқыш құстар отряды, қаршыға тұқымдасының бір туысы. 2. Бүркіт, қаршыға, қырғи, ителгі сияқты алғыр құстардың жалпы атауы; өлексемен қоректенетін қарақұстарға қарсы қойылады. 3. #ауыспалы мағына. Батыл, ержүрек адам, қаһарман жауынгер. 4. #ауыспалы мағына. Тепсе темір үзетін мықты, алғыр жігіт. // Қырағы, қайсар, алғыр. // Адуынды, азулы. 5. #ауыспалы мағына. Қазақхалқында еркіндіктің символын білдіретін алғыр құс. // #саятшылық. Алғыр, аңқұсты бірден алатын, епті де күшті (саят құсы). // Еркіндік сүйгіш, бостандық сүйгіш. Қыран болды. а) Ел мақтайтын өжет болды, алғыр, қайсар мінезді болды. ә) Алыстарға самғады, биіктерге қол жеткізді. Қыран бүркіт. а) #саятшылық. Аңқұсқа салса, аянып қалмайтын, тегеурінді, алғыр саят құсы, бүркіт. ә) #бейнелі сөзқолданыс. Алғыр да өжет, қайсар, сымбатты жігіт. Қыран жапқандай күлді. У да шу, қатты күлді, жаппай күлді. Қыран жапқандай қылды [ дүрліктірді ]. Әлекшәлегін шығарды, быт-шыт қылды. Қыран көз [ көзді ]. Тез байқайтын, көргіш. Қыран [ қыран жапқандай ] күлкі. Ішексілесі қатып жаппай күлген күлкі, удаду. Қыран күлкіге батысты. Бәрi қосыла қарқылдап күлістi, мәз бола қатты күлістi. Қыран қабақ. Қабағы түксиген, сұсты. Қыран қуған шілдей болды. #бейнелі сөзқолданыс. Тым-тырақай, жанжаққа қашты. Қыран қуған шылдай. #жергілікті сөз. Быт-шыт, тоз-тоз. Қыран құс. #саятшылық. а) Бүркіт, қаршыға, тұйғын т.б. сияқты аңға, құсқа салуға үйретілген алғыр құс. ә) #бейнелі сөзқолданыс. Алғыр, ел алды болған адам. Қыран қылық. #бейнелі сөзқолданыс. Өрлік, ерлік, асқан қайсарлық, төзімділік. Қыран мүсін. #бейнелі сөзқолданыс. Сом тұлғалы, сымбатты, бет әлпетінде алғырлық, қырағылық нышаны бар. Қыран тектес жан. #бейнелі сөзқолданыс. Өжет, өр мінезді, алғыр адам. Қыран ұшып жете алмайтын. Тым биік; қол жетпес.
|ҚЫРАН 2#омоним #зат есім. жергілікті сөз. Моншақ.