Толковый словарь казахского языка: ҚАТАР

Слово: Казахский язык Русский язык Английский язык Найти

|ҚАТАР 1#омоним #зат есім. 1. Заттың тәртіппен тізілген реті, тиісті орны. 2. Белгілі бір топтың құрамы, саны. 3. #этнографиялық. Керуендегі немесе көштегі т.б. түйелердің белгілі бір тәртіппен, қатынаспен тізілген реті. 4. Маңы, қасы, жаны. 5. матем. Ақырсыз қосынды – бір сызықтық топологиялық кеңістік элементтерінің (қатар мүшелерінің) тізбегі және олардың шек ұғымы анықталған шекті қосындыларының (қатардың дербес қосындыларының) шекті жиыны. 6. ә с к. Белгіленген бір сызық бойына орналасқан әскери қызметшілердің сапы. 7. #биологиялық. <лат. serіes> Ботаникалық номенклатурадағы таксономиялық категория; секция мен түрдің ортасындағы аралық таксон. Қатарға алды. Тең көрдi, кем тұтпады. Қатарға келді. Өзі сияқтыларға, белгілі бір топқа қосылды. Қатарға қосылды. а) Басқа жұртпен теңелді, адам болды, қолы аузына жетті. ә) Ауруынан айықты, аяғынан тік тұрды, жолдастарына қосылды. Қатарға тұрды. Ел қатарына қосылды, мықтыларға ілесті. Қатардан қалды. Кейін қалды, кешеуілдеді, дамымады, өспеді. Қатардың енi. Қапталдағы қанаттардың өзара қашықтығы. Қатар түзеді [ тұрды ]. Сап құрып, қатарласты.
|ҚАТАР 2#омоним #зат есім. Құрбы-құрдас, жасы шамалас адамдар. Қатары артты [ көбейді ]. Серіктестері, тілектестері көбейді. Қатарынан артық [ асып, оза, озық ] туған. Білімі, өнері, алғырлығы т.б. қабілеттері жағынан өз құрбыларынан едәуір жоғары тұрған, жан-жақты дамыған, шебер (адам, тұлға). Қатарынан қалмады. Ешкімнен кем болмады, жұрттың істегенін істеді, ел қатарлы өсті. Қатарынан қалмау. Көштен қалмау, ел қатарлы болу. Қатарының алды. Құрбықұрдастарынан едәуір озық, артық жетістіктерге жеткен. Қатары сиреді [ азайды, бітті ]. Құрдастары біртіндеп о дүниеге кете бастады.
|ҚАТАР 2#омоним Үст теңбе-тең, қосақабат, бірге. Қатар аққан. Жұптасып өмір кешкен, жарасымды тату отбасын құрған. Қатар ақты. Өзен сулары бір жерде жақын орналасты. Қатар қонды [ тігілді ]. а) #этнографиялық. Ауыл-үй бір жерге көршілесе қоныстанды. ә) Құстар тобы бір мезгілде жапырлай келіп бір жерге қонды. Қатар мінгесті [ мінді ]. Екі қасиетке бірдей ие болды, екі жұмысты, өнерді т.б. тең дәрежеде меңгеріп, алып жүрді. Қатар өсті [ жүрді ]. а) Бірге жүрді, жұбынжазбады. ә) Жақсылық пен жамандық іргелес болды, бірге келді. Қатар тұра алады. Теңесуге қауқары жетеді, шамалас, теңдес бола алады. Қатар ұстады. Екі қызметті бірдей атқарды, қас өнерді бірдей игерді, меңгерді.
|ҚАТАР = #етістік. Матаны жиырып тігу, бүру.