Толковый словарь казахского языка: КҮЛКІ

Слово: Казахский язык Русский язык Английский язык Найти

|КҮЛКІ #зат есім. 1. психол. Адамның шаттық, қуаныш күйіне байланысты шығатын үн, дыбыс; эмоциялық сезімін көрсететін қимыл (жымию, езу тарту, дыбыс шығару және тағы басқа.). 2. Әжуа, мазақ, келеке. Күлкі бақты [ күйледі ]. Тамашаға салынды, сауық-сайран құрды, қызық қуды, ойынкүлкінің соңына түсті. Күлкі болды. Масқара болды, ұятқа қалды. Күлкіге айналдырды. Мазақ қылды, келеке етті. Күлкіге айналдыру. Қиын жағдайда еңсесін түсірмей, өзөзін, жұртты жігерлендіру үшін қиналса да, күлкі тудыратындай әзілқалжың айтып т.б. көңілді күй таныту. Күлкіге батырды. Жұртты, қасындағыларды ду күлдірдi, күлкіге қарық қылдырды. Күлкіге [ қыран күлкіге ] батысты. Әбден мәз болысты, ішексілесі қатқанша күлісті. Күлкіге кенелтті. а) Әбден күлдірді, көңілдендірді. ә) #жағымсыз. Әбден мазақ қылды, масқаралады. Күлкіге көмілдi. Күлкіге батты, қарық болды, қыран-топан күлкi болды. Күлкіге қалды. Мазақ болды, келекеге айналды. Күлкіге қалдырды. Ұятқа қалдырды, мазақ етті. Күлкіге салынды. Қызық қуды, ойынкүлкінің соңына түсті. Күлкіге шаптырды. Келекеге айналдырды, мазақ қылды. Күлкіге шығарды. Мазақ қылды, келеке етті. Күлкі етті [ қылды ]. а) Ойынға, қалжың мен әзілге айналдырды. ә) Мазақтады, келеке етті. Күлкi кеуледi. Күлкіге толды, күлкі көбейді. Күлкі қысты. Күлкі кернеді, күлкіге булықты. Күлкімен табалады. Ел алдында келекелеп, мазақ қылды, масқарасын шығарды. Күлкінің ізін жойды. Күліп отырған жерінен бірден түсін бұзды. Күлкі сияқты. Ыңғайсыз, біртүрлі тәрізді. Күлкісі көмір болды. Ойы іске аспады, жоққа шықты. Күлкісі қанды. Мәзмәйрам болды, шаттанды. Күлкісін жимады. Күле берді, күлкісін тоқтата алмады.