Толковый словарь казахского языка: КЕСЕК

|КЕСЕК 1#омоним #зат есім. 1. Топырақтың жентектеліп қатып қалған ірісі. 2. Бір бөлік, бөлшек, түйір. Кесек атқан. Жамандық істеген, кедергі болған. Кесекпен атты [ лақтырды ]. Тигенде ауыртып, жаралайтын топырақтың қатты ірісін лақтырып, аластады, қуды т.б. Кесек [ тас ] атушы. Жамандық, қастандық жасаушы. Кесек тастай болып. Қатты батып, жатқызбай.
|КЕСЕК 2#омоним #зат есім. жергілікті сөз. Сабантопан араластырып, лай балшықтан істелген кірпіш. // Кесектен құйылған, кесектен жасалған. Кесек қант. іріірі етіп, белгілі бір қалыпқа салып қатырылған шекер, шақпақ қант. Кесек құйды. Лайбалшықтан кірпіш жасады. Кесек құю. Кірпіш құю. Кесектен соққан кенттей. #поэтикалық. Сенімді, тұрақты, мызғымайтын деген мағынада. Кесек шөгінді. #географиялық. Тау беткейлерінің етегі мен төменгі бөліктерінде жиналған таужыныстарының сынықтары.
|КЕСЕК 3#омоним #сын есім. 1. ірі, үлкендеу. 2. #ауыспалы мағына. ірі, үлкен, зор. 3. Мықты, күшті, көлемді. Кесек ақша. Бүтін, ірі ақша, үлкен сомалы ақша. Кесек бас. Үлкен, ірі бас. Кесек денелі [ тұлғалы ]. Сүйегі ірі, дене бітімі еңгезердей. Кесек киіз. Басылған күйіндегі тұтас киіз. Кесек образ. әдеб. ірі бейне, негізгі кейіпкер. Кесек ой. Ауқымды ой. Кесек сөз. Ойлы сөз, үлкен адамның сөзіндей. Кесек сөйледі. Айтар сөзін түгел айтты, ірі сөйледі. Кесек талант иесі. ірі тұлға, аса талантты адам. Кесек туынды. Тілінің көркемдігімен тақырыбы, сюжеті сай мықты шығарма. Кесек ұғым. ірі түсінік, іргелі ой. Кесек шешті. ірілік көрсетті.

© 2021. Wonder Words
Институт интеллектуальных технологий