Толковый словарь казахского языка: БҰТА

Слово: Казахский язык Русский язык Английский язык Найти

|БҰТА #зат есім. 1. Өркендерінде ағаштікіндей дің болмайтын, түптүп болып өсетін, бойы ағаштан аласа өсімдіктердің жалпы аты. 2. #ботаникалық. <лат. аrbоretum> Бұтақтары жер бетіне жайылып, шоғырланып, түптүп болып өсетін жыңғыл, тобылғы, бозқараған және тағы басқа. сияқты көпжылдық сүректi өсімдік. 3. #ауыспалы мағына. Түптамыры бір жақыны. 4. Бұталы өсімдік басқан жер, дала, бұталы алқап деген мағынада. 5. Бұтаның кесіліп, отынға дайындалған шыбықтары. Бұта басын сындырмады. Ештеңеге қол ұшын тигізбедi, бос жүрдi. Бұтаға паналаған [ қорғалаған ] торғайдай. Бас сауғалап, пана іздеген. Бұтадан бұтаға секірген торғайдай. #экспрессивті. Жеңілтек, ұшыпқонған адам туралы айтылатын теңеу сөз. Бұтадан қорықты. Не болса содан, жоқтан өзгеден қорықты. Бұта қорғалаған торғай. Пана iздеген, біреудің қамқорлығына келген адам деген мағына. Бұта қорғалаған торғайдай. Қиын-қыстау шақтарда таяныштірек, қамқорлық, пана iздеген адамдай. Бұта қуды. Бұтадан бұтаға қарай ентеледi, әр бұтаның түбіне тоқтап, алға қозғалды. Бұтаның арасы толды. Мал көбейдi, көп төл алынды деген мағынада. Бұта тектес. #ботаникалық. Негізгi діңi білінбей өркендерi түбінен бұтақтанып, сүректеніп өсетін өсімдіктер түрi. Бұта тұқымдас ағаш. #ботаникалық. Шөптесін және ағаш өсімдіктерден құрылымы жағынан ерекше өркендерінің негізгісi, яғни қатайып сүректенгенмен, діңi болмайтын, биіктігi 46 метрден аспайтын көпжылдық өсімдіктер тобы. Бұта түбi сөйлестi. #этнографиялық. Тиістi әдетін, салтын, рәсімін сақтамай кездесе салды (әдетте ер адамның ұнатқан қызбен кездесуi туралы айтылады). Бұта түбi үй болды. #бейнелі сөзқолданыс. Баспанасыз, күтімсіз күй кештi, күндерін ат үстінде, отбасынан жырақта өткіздi.
|БҰТА = #етістік. 1. Ағаштың бұтақтарын кесіп, қырқу. 2. Ағаш бұтақтарын отқа жағуға ықшамдап кесу, шабу.