Толковый словарь казахского языка: ҚЫМЫЗ

Слово: Казахский язык Русский язык Английский язык Найти

| ҚЫМЫЗ #зат есім. #этнографиялық. Бие сүтінен, арнайы ыдыста (сабада) ашытылып жасалатын қазақ халқының көне замандардан бергі дәстүрлі тағамы, қадірлі асы, емдік қасиеті мол сусын. Қымыз алды. #этнографиялық. Бие байланып алғашқы қымыз ашыған күні берілетін қымыз. Қымыз аңдыды. Ойын-сауық іздеді, есіл-дерті сауық-сайран құру болды. Қымыз байыды. #этнографиялық. табусөз. Қымыз түгелді, қымыз таусылды [ Қымыз – қадірлі ас, әрі көптің асы болғандықтан, қымызды бітті деп ашық айтуға болмайтын, сондықтан қымыз байыды деп кері мағынада тұспалдап түгелгені туралы хабар беретін ]. Қымыз батасы. #этнографиялық. а) Қымыз ішіліп болғаннан кейін берілетін бататілек. ә) Бие байлағанда, қымызмұрындық тойында, сондай-ақ бие ағытқанда, сіргежияр дастарқанында айтылатын бататілек. Қымызбен емдеу. Қымыздың шипалық қасиетін ем үшін пайдалану. Қымызбен таңдай жібітті. #бейнелі сөзқолданыс. Қымыз ішіп, құмары қанды. Қымызға бөртті. Қымызға әбден тойып, қызып қалды. Қымызды кім ішпейді. Қызықты думанды кім жақсы көрмейді, бәрінің басынан қызықты жастық шақ өтеді. Қымыздың қоры. #этнографиялық. Қымыздың алғашқы ашытқысы. Қымыздың тұнбасы. Қымыз түбінде тұнып қалған қоюы, тосап қымыз. Қымыз жаудың таңдайында кетті. #бейнелі сөзқолданыс. окказ. Елжұрты басыбайлы болды, жау қолына түсті. Қымыз құймай, айран берді. Сараңданды, сараңдығы ұстады. Қымыз орнына қымыран ішкендей. #бейнелі сөзқолданыс. Қанағаттанбай, ойдағы дәметкені болмай, көңілі көншімей. Қымыз сапырды. #этнографиялық. а) Ашуы жеткен қымызды ұсынар алдында ауамен қанықтыру үшін ожаумен қайта-қайта араластырып, жоғары-төмен қарай ағызып құйды. ә) Қонақ күтуге дайындалды, ас әзірледі. Қымызы жоқ сабадай. #бейнелі сөзқолданыс. Қаңсыған; мәнмазмұны, мәртебесінен айырылған.