Толковый словарь казахского языка: ҚАЗЫ

Слово: Казахский язык Русский язык Английский язык Найти

| ҚАЗЫ 1#омоним #зат есім. #этнографиялық. тамақ өнеркəсібі. 1. Жылқының майлы қабырғасын етегімен қосып тұздап, ішекке тығып жасаған ұлттық тағам. 2. Жылқының төстіктен төменгі майлы еті. Қазы айналдырды. Жуан iшекке жылқының қабырға майын салып қазы жасады. Қазы байлады. Май бітті, семірді, жұнттай болды. Қазы мен қарта. #этнографиялық. Қазы-қарта. Қазыны бұзбай салды. Қазыны тұтастай, бүтіндей, бөлшектемей пісірдi. Қазысы қарыс бие. Семіз, әбден жараған бие. Қазысы үш елі. а) Қазысы майлы, қазының майы үш елідей. ә) Бар, бай, әулетті адам, отбасы туралы.
| ҚАЗЫ 2#омоним #зат есім. 1. #көнерген сөз. Жүгініске келгендерге шариғат жолы бойынша үкім айтатын, әдетғұрыптардың дәйекті түрде орындалуын бақылайтын әкім; мұсылмандық сот. 2. #ауыспалы мағына. Бір нәрсеге билік айтушы, төреші; қара қылды қақ жарған, әділ адам. 3. #ауыспалы мағына. #жаңасөз. Спорт ойындарының төрешісі; судья, арбитр. Қазыға жүгінді. Қазы алдына барып, арызөтінішін айтты. Қазыға салды. Төрелікке, талқыға түсірді. Қазылар алқасы. <франц. jury> Жарыс, көрме, конкурстарда сыйлықтар мен марапаттауларды белгілеу үшін арнайы шешім шығаруға тағайындалған мамандар тобы; Өнер сайысына, ақындар айтысына, жарысқа төрелік етушілер.
| ҚАЗЫ 3#омоним #зат есім. жергілікті сөз. Қауынның тәтті жері, ішкі жағы.
| ҚАЗЫ 4#омоним #зат есім. діни. 1. Жаулап алушы. 2. Ескі ғазауатшы (ислам діні үшін күресуші, соғысушы), соғыстан өздерінің ерлігін көрсете алғандарға берілетін құрметті атақ. 3. #ауыспалы мағына. Әділетті соғыс қаһарманы, жауынгер.