Толковый словарь казахского языка: КЕРІ

Слово: Казахский язык Русский язык Английский язык Найти

| КЕРІ 1#омоним #үстеу. 1. Артқа қарай, кейін, қайта. 2. Қарама-қарсы, қайшы. 3. #ауыспалы мағына. Керісінше, қисық. 4. #ауыспалы мағына. Қайыра, енді бір рет. Кері айыл. а) Ердің үстін бастыра аттың шабына жақын тартылатын қосымша тартпа. ә) Жөнге көнбейтін қисық, қыңыр. Кері аударғыш. #информатикалық. <ағыл. deсоmpіler> Кіріске және оған барабар бағдарламаны программалау тілінде беретін бағдарлама. Кері байланыс. а) #информатикалық. <ағыл. feedbасk cоmmunісаtіоn>Кейбір кибернетикалық жүйенің шығыстық шамасының тікелей немесе жанама түрде осы жүйенің кірістік шамасына әсері. ә) Ақпарат құрылғы басқаратын объектіден басқару құрылғысына кері қайтатын процесс. б) Қандай да бір жүйенің сыртқа шығатын сигналдың сол жүйенің өзіне тигізетін әсері. в) #педагогикалық. Білімді тексеруге арналған тапсырмалар жүйесі. г) #экономикалық. Бақыланбайтын факторды қадағалауға және олардың күшті немесе әлсіз жақтарын бағалауға тырысатын процесс. Кері бақты. Көнбей тыртысты. Кері бонификация. #экономикалық. Жеткізілген тауардан сапасы шартта уағдаласылған сападан төмен болса, оның бағасынан шегеру. Кері еңістік. #су шаруашылық. Өзен, канал табанының биіктік көрсеткіші немесе бетінің деңгейінің биіктік көрсеткіші ағын ұзындығымен бірге жоғарылайтын еңкіштіктің бір түрі. Кері жобалау. #информатикалық. Бағдарламада пайдаланылатын принциптерді анықтауға жасалынатын талдау. Кері жүрді. а) Дойбы, шахмат ойындарында өз тасын өзіне қарай ысырып ойнады. ә) Керісінше істеді. Кері келді. Басқаның басындағы жағдай екінші бір кісідеболды деген мағынада. Кері кетті. а) Нашарлады, төмендеп кетті. ә) ілгері баспады, қырсықты. Кері кетушілік. Кертартпалық. Кері клапан. #су шаруашылық. Сұйықтықты тек бір бағытта өткізетін клапан. Кері код. #информатикалық. <ағыл. bаsk cоde> а) Берілген екілік саннан барлық нөлдерді бірлікпен, ал барлық бірліктерді нөлмен алмастыру арқылы алынатын код. ә) Тура кодты разрядразряд бойынша терістеу арқылы алынған код. Кері мутация. #биологиялық. Қайтара мутацияның нәтижесінде мутантты ағза фенотипінің бастапқы қалыбына (жабайы типке) қайтып келуі. Кері пропорционал шамалар. #математикалық. Біреуі қанша рет артқанда (кемдегенде) екіншісі сонша рет кемитіндей (артатындай) болып байланысқан екі шама. Кері сатып алу. #экономикалық. Бұрын сатылған фьючерстік келісімшарт бойынша міндеттемелерді кері сатып алу арқылы тоқтату. Кері соғу. #әскери сөз. Ату кезіндегі оқ-дәрі газы қысым күшінің оқатар қару (тапанша, мылтық, автомат, пулемет, артиллериялық зеңбіректер) ұңғысының арнасы түбіне әсер етуі. Кері сөйледі. Әдейі қырсығып сөйледі, бас десе құлақ деді. Кері сүзгі. Бір немесе бірнеше қабат сусымалы материалдармен (құм, құмды топырақ, тас және тағы басқа.) сүзілген ағын бағытына сәйкес материалдың ірі түйірлігі ұлғая түсетін сүзгі. Кері тақыс. Қияңқы, қырсық. Кері талап. #құқықтық. Жеке немесе заңды тұлғаның төленген залалды немесе міндеттемелерді (шартты) толық не тиісті дәрежеде орындамағаны үшін келтірілген залалды тікелей кінәлі тұлғаларға аудару туралы арбитражға немесе сотқа қойған талабы. Кері тартты. а) Кейін бұрылды, қайта қайтты. ә) Бөгет болды, тежеді. б) Кедергі болды, кейін тартты. Кері теппейтін артиллерия. #әскери сөз. Кері теппейтін зеңбіректерден тұратын әскери артиллерия. Кері тепті. Жақын тартпады, жуытпады, жолатпады. Кері тоңазытқыш. #химиялық. Зертханалық практикада буды конденсациялау және түзілген сұйықтықты реакциялық ыдысқа қайтару үшін қолданылатын тоңазытқыш. Кері тізбе. #информатикалық. Жасанды интеллект құру зерттеулерінде пайдаланылатын тәсіл. Кері үйлесімділік. #информатикалық. Күрделі жүйенің өте қарапайым жүйемен жұмыс істеу қабілеттілігі. Кері функция. #математикалық. Берілген функцияға тән тәуелдікті кері өрнектейтін функция. Кері шақыру. #информатикалық. <ағыл. Саll-bасk> Мәліметтерді рұқсатсыз алудан, беруден сақтану үшін қолданылатын әдіс. Кері шығару. #информатикалық. <ағыл. reverse reаsоnіng> Сараптық жүйеде қорытындыдан жіберуге бағытталған білімдер базасының ережелерін өңдеуге негізделген айнымалының мәнін анықтау әдісі. Кері экспорт. #экономикалық. Басқа елдерден әкелінген тауарларды (әдетте, шикізатты) өңдемей (қайта өңдемей) қайта сату. Кері іздестіру. #информатикалық. Мәтіндерді дайындау бағдарламаларындағы сөздерді іздестіру процесі.
| КЕРІ 2#омоним #зат есім. Кебі, сыңайы. Кері келді. Кебін киді, басқаның басындағы жағдай екінші бір кісіде болды деген мағынада айтылады. Кері келу. қстің сыңайы солай болу. Керін киді. Кебін киді.