Толковый словарь казахского языка: ЖАПЫРАҚ

Слово: Казахский язык Русский язык Английский язык Найти

| ЖАПЫРАҚ #зат есім. 1. Өсімдіктің көктемде бүршік атып, көктеп, күзде сарғайып түсіп қалатын мүшесі. 2. #ботаникалық. <лат fоlіum> Жоғары сатыдағы өсімдіктердің фотосинтез, газ алмасу, буландыру, қор жинау, көбею қызметтерін атқаратын өсу мүшесі. 3. #қолөнер. Жапырақ пішіндес ою түрі. 4. #жергілікті сөз. Шүкір дейтін өсімдіктің түрі, атауы. 5. #ауыспалы мағына. Бір заттың үзіндісі, бөліндісі. Жапырағы жайқалды. Өсіпөркендеді, көбейді. Жапырақ бақа. #зоологиялық. <лат. phуllbаtes trіnіtаtіs>. Бақаның кішкентай түрi. Жапырақ бүргесі. #ботаникалық. <лат. psуllіnea> Тең қанаттылар отрядына жататын зиянкес жәндік. Жапырақ жайды. Жапырағы өсті, көктеп көгерді; қаулап өсті. Жапырақ жарды. Құлпырды, жайқалды. Жапырақ жемірі. #биологиялық. <лат. chrуsоmelіdаe> Қатты қанаттылар отрядына жататын қоңыздардың бір тұқымдасы. Жапырақ мозайкасы. #ботаникалық. Өсімдіктегі қалың шыққан жапырақ тақталарының үстіңгі беттері күн нұрына біркелкі төселе немесе мәнерлене жатуы. Жапырақ өркеш. #жергілікті сөз. Ағаштың жапырағы сияқты кішкене, жалғыз өркеш түйелерінің бірі. Жапырақ тастау. #ботаникалық. <лат. de – болмау, fоlіum – жапырақ> Химиялық препараттар арқылы өсімдіктердің жапырақтарын түсіру. Жапырақ ширатқыш көбелек. #зоологиялық. <лат. tоrtrісіdаe> Қабыршақ қанаттылар отрядына жататын ұсақ көбелек.