Толковый словарь казахского языка: Бақыт

| БАҚЫТ [ #араб тілі. ] #зат есім. 1. Бақ, зор қуаныш, шаттық. 2. Адамның өмір қызығы мен қуанышына, рақатына қанағаттану дәрежесін танытатын этикалық ұғым. Бақытқа бөлендi. Қуанышқа, шаттыққа кенелдi. Бақытқа жеттi. Қуаныш пен шаттыққа ие болды. Бақыт қонды. Бақ қонды, құт дарыды. Бақыт құсы. #мифологиялық. Бақ, шаттық. Бақыт құсын аулады. Бақытын iздедi. Бақыт құшағында. Шаттық пен қуанышқа бөленген, арманына жеткен. Бақыт құшты. Қуаныш пен шаттыққа ие болды, дегеніне жеттi. Бақыт орнады. Бақ қонды, бағы ашылды. Бақыт тайды. Бақ тайды, бақытсыздыққа ұшырады. Бақыт таңы. Қуанышты күн. Бақыт тапты. Бақытты болды, бағын жолықтырды. Бақытты [ бақты ] басқа [ маңдайға ] тепті. Өз бағын өзі қорлады, келген жақсылықты білмеді. Бақытты маңдайға [ басқа ] тептi. Өз бағын өзi кестi, бағын бағалай алмады. Бақыттың құсы оралды. #бейнелі сөзқолданыс. Бақ қонды, болмай жүрген жолы болды, сәті туды. Бақыт тіледi. Жақсылық тіледi, бақытты болса екен деп тіледi. Бақыты алдында. Бар үмітi келешегінде, болашақта. Бақыты артты [ асты ]. Мерейi үстем болды, бағы артты. Бақыты ашылды [ жанды ]. Бағы ашылды, жолы болды. Бақыты бар. Бағы бар, бақытты (адам). Бақыты баянды. Бақытты күндерi ұзақ, тұрақты. Бақыты күйдi. Бағы тайды, бақытсыздыққа ұшырады. Бақыты қара [ қараң ]. Бақсыз, бақытсыз. Бақытына қарай. Бағына қарай, абырой болғанда. Бақытына мас болды. Бақытына дандайсыды, кеудесін керді. Бақытынан айырылды. Бақытсыз болды, қуанышынан ада болды, бағы тайды. Бақытын ашқызды. Бiреудің көмегімен, бір нәрсе арқылы жолын болдырды. Бақытын көре алмады. Бағын, бақдәулетін қызғанды. Бақытын тапты. Өмірінің қуанышына кез болды, бақытты болды. Бақытын түсірдi. Бағынан, бақытынан айырылды. Бақытын ұрлады. Бақытсыз еттi.

© 2021. Wonder Words
Институт интеллектуальных технологий